دمشق:غیر ملکی میڈیا رپورٹس کے مطابق شام کے صدر احمد الشرع نے کہا ہے کہ ان کا ملک صرف لبنانی حکومت کی درخواست پر ہی لبنان میں مداخلت کرے گا۔

رپورٹس کے مطابق امریکی صدر ٹرمپ کے شام کی جانب سے لبنانی مزاحمتی تنظیم کو کنٹرول کرنے کے بیان پر ردعمل دیتے ہوئے شامی صدر نے کہا کہ امریکی صدر کے بیان سے ایسا لگا جیسے شامی فوجیں کل ہی لبنان میں داخل ہو رہی ہیں۔ احمد الشرع نے کہا کہ اگر شام اور لبنان کے قومی مفاد میں ہوا تو وہ حزب اللہ کے ساتھ بیٹھ کر بات کرنے کو تیار ہیں۔

دوسری جانب لبنان کے صدر جوزف عون نے اپنے بیان میں کہا ہے کہ صیہونی جارحیت کو روکنے کیلئے بین الاقوامی کوششوں کا خیر مقدم کرتے ہیں۔انہوں نے کہا کہ لبنان اپنے اندرونی معاملات میں کسی کی مداخلت قبول نہیں کرے گا، لبنان کی جانب سے کوئی مذاکرات نہیں کرسکتا۔

خیال رہے کہ گزشتہ ہفتے صدر ٹرمپ نے کہا تھا کہ انہوں نیتن یاہو کو مشورہ دیا تھا کہ وہ جنوبی لبنا ن پرکارروائیوں کو ترک کر دے اور حزب اللہ سے نمٹنے کی ذمہ داری شام کے صدر احمد الشرح کو سونپ دیتے ہیں، تاہم اب شامی صدر کی جانب سےا س پر سخت اور دو ٹوک ردعمل دیا گیا ہے۔