نیویارک: پری کوارٹر فائنل میں ناروے نے تاریخ رقم کرتے ہوئے پانچ مرتبہ کی عالمی چیمپئن برازیل کو 2-0 سے شکست دے کر پہلی بار فیفا ورلڈ کپ کے کوارٹر فائنل کے لیے کوالیفائی کر لیا۔

تفصیلات کے مطابق میچ کے آغاز سے ہی دونوں ٹیموں کے درمیان سخت مقابلہ دیکھنے میں آیا۔ پہلے ہاف کے اختتام تک کوئی ٹیم گول کرنے میں کامیاب نہ ہو سکی، جبکہ دوسرے ہاف میں بھی دونوں جانب سے دفاعی کھیل کا مظاہرہ کیا گیا۔

میچ کا پہلا گول ناروے کے اسٹار فارورڈ ارلنگ ہالینڈ نے 79ویں منٹ میں اسکور کیا، جس کے بعد برازیل پر دباؤ بڑھ گیا۔ مقررہ وقت کے اختتامی لمحات میں ہالینڈ نے ایک اور گول کرکے اپنی ٹیم کی برتری 2-0 کر دی اور برازیل کی واپسی کی تمام امیدیں ختم کر دیں۔

ریفری نے سات منٹ کا اضافی وقت دیا، تاہم برازیل اس دوران بھی کوئی گول نہ کر سکا اور مقررہ وقت کے اختتام پر ناروے نے 2-0 سے کامیابی حاصل کر لی۔

شکست کے بعد برازیل کے کھلاڑی شدید مایوس دکھائی دیے، جبکہ اسٹیڈیم میں موجود ہزاروں برازیلین مداح بھی جذباتی مناظر پیش کرتے نظر آئے۔ دوسری جانب ناروے کے کھلاڑیوں اور مداحوں نے تاریخی کامیابی کا بھرپور جشن منایا۔

اس فتح کے ساتھ ناروے نے پہلی مرتبہ فیفا ورلڈ کپ کے کوارٹر فائنل میں جگہ بنا لی، جبکہ پانچ بار کی عالمی چیمپئن برازیل کا ایونٹ میں سفر اختتام پذیر ہو گیا۔