لاہور: صوبائی دارالحکومت لاہور کے ایک نجی ہوٹل میں پاکستان میوزک انڈسٹری کے چمکتے دمکتے ستاروں کی خوب صورت تقریب منعقد ہوئی۔جس میں غزل کے بادشاہ استاد غلام علی، ایم ارشد ، گلوکارہ عذرا جہاں، راجو جمیل ، امجد حسین شاہ،طارق طافو، سجاد طافو، اداکارہ نشو،اداکار راشد محمود، امروزیہ، عارف بٹ، سہیل ہاشمی ، نعیم حنیف،امیر شوکت علی علیشاہ جعفری اور دیگر شخصیات شریک ہوئیں۔

خواجہ پرویز کا چیک ان کے بیٹے یاسر عباس نے وصول کیا۔ شہنشائے غزل مہدی حسن کا چیک ان کے بیٹے کی درخواست پر جی ایم پی ٹی وی امجد حسین شاہ، موسیقار ایم اشرف کا چیک ان کے بیٹے ایم ارشد نے وصول کیا۔

علاوہ ازاں تقریب میں استاد طافو خاں کا چیک ان کے بیٹے طارق طافو اور سجاد طافو نے جبکہ بخشی وزیر کا چیک ان کے پوتے ابو تراب اور نعیم وزیر نے وصول کیا۔موسیقار امجد بوبی کا چیک ان کے بیٹے فیصل بونی نے وصول کیا ۔

اس موقع پر موسیقار ایم۔ارشد کو اداکارہ نشو نے چیک دیا، لیجنڈ گلوکار شوکت علی کا چیک ان کے بیٹے امیر شوکت علی نے وصول کیا موسیقار وجاہت عطرے کا چیک ان کے بیٹے علی عطرے نے وصول کیا۔

استاد فرخ فتح علی خاں کیلئے چیک دیا گیا موسیقار اے حمید کا چیک انکے بیٹے نے رضوان حمید نے وصول کیا،شاعر کلیم عثمانی کا چیک ان کی بیٹی اور بیٹے نے وصول کیا۔

تقریب کی میزبانی کے فرائض گلوکار اور ای ایم آئی کے روح رواں تنویر آفریدی نے انجام دئیے۔ جبکہ گلوکارہ عذرا جہاں ، حرا قیصر روحان عباس، فریال عنبر اور امیر شوکت علی نے اپنی پرفارمنس کا مظاہرہ کیا۔