روم:اطالوی وزیر خارجہ انتونیو تاجانی نے ایرانی ہم منصب عباس عراقچی سے ٹیلیفونک رابطہ کیا اور بتایا کہ اٹلی ایران کے خلاف کسی فوجی کارروائی میں شامل نہیں ہوا

۔تفصیلات کے مطابق سوشل میڈیا پلیٹ فارم ایکس پر جاری بیان میں اطالوی وزیر خارجہ انتونیو تاجانی نے بتایا کہ انہوں نے ایرانی وزیر خارجہ عباس عراقچی سے گفتگو میں کہا کہ ہم ایران کے خلاف کسی فوجی کارروائی میں شامل نہیں ہوئے اور اور نہ ہی ایران کے خلاف جنگی کارروائیوں کے لیے اپنے فوجی اڈوں کے استعمال کی اجازت دی۔

ایکس پرجاری بیان میں اطالوی وزیر خارجہ کا کہنا تھا کہ انہوں نے آبنائے ہرمز کو دوبارہ مکمل طور پر کھولنے کی درخواست کی تاکہ وہاں رکے ہوئے تمام اطالوی تجارتی جہازوں کی آمدورفت آسان ہو سکے۔

خیال رہےکہ امریکی صدر ٹرمپ سے ملاقات میں نیٹو کے سیکرٹری جنرل مارک روٹے نےکہا تھا کہ ایران کے خلاف جنگ میں یورپی اتحادی امریکا کے ساتھ تھے۔

آپریشن ایپک فیوری میں اٹلی سے 500 امریکی جنگی جہازوں نے اڑان بھری، رومانیہ نے امریکی افواج کو ہوائی اڈے پر سہولیات دیں۔جس کے بعد ایران کی جانب سے ان ممالک سے وضاحت طلب کی گئی تھی۔