اسلام آباد:وزیراعظم شہباز شریف وزیراعظم نے امید ظاہر کرتے ہوئے کہا ہے کہ ایران اور امریکا کے درمیان مجوزہ امن معاہدہ آئندہ چوبیس گھنٹوں کے اندر حتمی شکل اختیار کر لے گا اور معاہدے کے تمام تر اہم نکات اگلے چوبیس گھنٹے میں فائنل ہو جائیں گے۔

تفصیلات کے مطابق سوشل میڈیا پلیٹ فارم ایکس پرجاری کر دہ بیان میں وزیر اعظم شہباز شریف نے کہا کہ امریکا ایران مجوزہ امن معاہدہ آئندہ چوبیس گھنٹوں میں حتمی شکل اختیا ر کر لے گا۔

ایکس پرجاری بیان میں انہوںنے مزید کہا کہ پاکستان دونوں ممالک کے درمیان ہونے والے اس امن معاہدے پر الیکٹرانک دستخط کی تیاریاں کر رہا ہے جس کے بعد اگلے ہفتے تکنیکی سطح کے باقاعدہ مذاکرات کا آغاز کیا جائے گا۔

بیان میںوزیر اعظم شہباز شریف نے اس اہم ترین سفارتی کامیابی پر بات کرتے ہوئے کہا کہ ہم مذاکرات کے دوران مسلسل جاری رہنے والی وابستگی اور سنجیدگی پر امریکا اور ایران دونوں کا شکریہ ادا کرنا چاہتے ہیں۔

ایکس پوسٹ پر وزیر اعظم شہباز شریف نے خطے کے دیگر ممالک کا بھی شکریہ ادا کیا جنہوں نے امن کی ان مخلصانہ کوششوں کے لیے اپنا مثبت کردار ادا کیا۔وزیراعظم نے اس یقین کا اظہار کیا کہ ایران اور امریکا کے درمیان ہونے والا یہ تاریخی امن معاہدہ خطے میں مستقل اور دیرپا امن کے قیام کے لیے ایک انتہائی مضبوط بنیاد ثابت ہوگا۔