بھارتی ریاست اتراکھنڈ سے تعلق رکھنے والی خاتون رینو دھریال نے خواتین میں دنیا کے سب سے لمبے بال رکھنے کا عالمی ریکارڈ اپنے نام کرلیا ہے۔

گنیز ورلڈ ریکارڈز کے مطابق رینو دھریال کے بالوں کی لمبائی 271.50 سینٹی میٹر یعنی تقریباً 8 فٹ 10.88 انچ ریکارڈ کی گئی۔ انہوں نے یہ ریکارڈ 15 اپریل 2026 کو بھارتی شہر ہلدوانی میں قائم کیا۔

رینو دھریال کے غیر معمولی طور پر لمبے اور گھنے بالوں نے انہیں عالمی سطح پر توجہ کا مرکز بنا دیا ہے۔ ان کے بالوں کی لمبائی عام انسانی بالوں کے مقابلے میں کئی گنا زیادہ ہے، جس کے باعث یہ منفرد کارنامہ گنیز ورلڈ ریکارڈز میں درج کیا گیا۔

رپورٹس کے مطابق رینو نے کئی برس تک اپنے بالوں کی خصوصی دیکھ بھال کی اور انہیں مسلسل بڑھنے دیا۔ ان کا کہنا ہے کہ اس کامیابی کے پیچھے مہنگی مصنوعات کے بجائے مستقل مزاجی، صبر اور بالوں کی مناسب دیکھ بھال کا اہم کردار ہے۔

رینو کا یہ کارنامہ نہ صرف بھارت بلکہ دنیا بھر میں لوگوں کی توجہ حاصل کر رہا ہے۔ غیر معمولی لمبائی کے باعث ان کے بال سوشل میڈیا پر بھی موضوعِ گفتگو بنے ہوئے ہیں، جبکہ گنیز ورلڈ ریکارڈ میں نام شامل ہونے کے بعد ان کی شہرت مزید بڑھ گئی ہے۔

گنیز ورلڈ ریکارڈز کی جانب سے درج معلومات کے مطابق رینو دھریال اس وقت زندہ خاتون کے سب سے لمبے بالوں کے ریکارڈ کی حامل ہیں۔