ویب ڈیسک: فٹبال ورلڈ کپ 2026 میں امریکا کے بعد فرانس نے بھی اپنے کھلاڑی کو ملنے والے کارڈ کے خلاف فیفا سے باضابطہ رجوع کر لیا۔

غیر ملکی میڈیا رپورٹس کے مطابق فرانسیسی فٹبال فیڈریشن نے اپنے اسٹار کھلاڑی مائیکل اولیسے کو پیراگوئے کے خلاف میچ میں دکھائے گئے یلو کارڈ کے خلاف اپیل دائر کردی ہے۔

رپورٹس کے مطابق مائیکل اولیسے کو پیراگوئے کے کھلاڑی ماتیاس گالارزا کے ساتھ تلخ کلامی کے دوران یلو کارڈ دکھایا گیا تھا۔ امریکی اخبار نیویارک ٹائمز کے مطابق فرانس نے اس فیصلے پر نظرثانی کے لیے فیفا سے باضابطہ اپیل کی ہے۔

فرانسیسی فٹبال فیڈریشن کا کہنا ہے کہ اس اپیل کا مقصد صرف انصاف کا حصول ہے اور اس کا فولارین بیلاگن کے کیس سے کوئی تعلق نہیں۔

فیڈریشن کے مطابق ری پلے فوٹیج سے واضح ہوتا ہے کہ مائیکل اولیسے نے ماتیاس گالارزا کے چہرے کو نہیں چھوا بلکہ صرف ان کی شرٹ پکڑی تھی، اس لیے یلو کارڈ کا فیصلہ غیر منصفانہ تھا۔

واضح رہے کہ اگر مائیکل اولیسے کو کوارٹر فائنل میں ایک اور یلو کارڈ ملتا ہے تو وہ ممکنہ طور پر ورلڈ کپ کے سیمی فائنل سے محروم ہو سکتے ہیں۔