بوسٹن :کپتان ایمباپے اور ڈیمبیلے کی عمدہ کارکردگی کی بدولت فرانس نے مراکش کو شکست دیکر فیفا ورلڈ کپ فٹ بال کے سیمی فائنل میں پہنچنے والی پہلی ٹیم کا اعزاز حاصل کرلیا۔

تفصیلات کے مطابق امریکہ کے شہر بوسٹن میں کھیلے گئے پہلے کوارٹر فائنل کا آغاز انتہائی شاندار تھا۔میچ کی ابتداء سے ہی فرانسیسی ٹیم چھائی رہی،پہلے ہاف میں مقابلہ بغیر کسی گول کے برابر رہا۔ فرانسیسی ٹیم نے مراکش کے گول پر کئی حملے کئے۔ایمباپے کو ڈی میں گرانے پر فرانس کو پینلٹی ملی لیکن ایمپاپے کی لگائی ہوئی ہٹ کو مراکشی گول کیپر نے باسانی روک لیا۔

دوسرے ہاف میں بھی فرانسیسی ٹیم نے مراکش کے گول پر کئی حملے کئے بلاخر 60 ویں منٹ میں ایمباپے نے گول کرکے ٹیم کو برتری دلوائی اور 66 ویں منٹ میں ڈیمبلے نے خوبصورت گول کرکے فرانس کی برتری ڈبل کردی۔دوسرے ہاف میں محض چھ منٹ میں فرانسیسی ٹیم نے دو گول کرکے میچ اپنے نام کیا۔

جبکہ کھیل کے 82 ویں منٹ میں مراکش کو فری کک ملی جس پر فرانسیسی گول کیپر نے خوبصورتی سے ناکام بنایا، اسی دوران مراکش کو گول کرنے کا ایک اور موقع ملا لیکن اس کے کھلاڑی کی کوشش بھی ناکام رہی۔

خیال رہے کہ مراکشی ٹیم نے اس سے قبل روس میں کھیلے گئے ورلڈ کپ 2022ء میں شاندار کارکردگی کا مظاہر ہ کرتے ہوئے سیمی فائنل میں جگہ بنائی تھی جہاں اسے کروشیا نے شکست دی تھی۔جبکہ فرانس نے اس سے قبل 1998 میں برازیل کو ہرا کر پہلا فیفا ورلڈ کپ جیتا تھا ، دوسرا اورآخری 2018 میں ماسکو میں کروشیا کو ہرا کر کھیلا تھا۔جبکہ 2022 کے فائنل میں اسے ارجنٹائن کے ہاتھوں شکست سے دوچار ہونا پڑا تھا۔