ہائے وہ محمد عامر کا تاریخی اسپیل، وہ فخر زمان کی دھواں دار بلےبازی، حفیظ کی جارحانہ اننگ اور بابراعظم کی ذمہ دارنہ بلے، کو کون بھول سکتا ہے؟

پاکستان کو اپنا آخری ٹورنامنٹ ٹائٹل آئی سی سی چیمپئنز ٹرافی کو جیتے 9 برس بیت گئے

18 جون 2017ء جب پاکستان کرکٹ ٹیم نے لندن کےتاریخی اوول کرکٹ گراؤنڈ راویتی حریف بھارت کو یکطرفہ مقابلے کے بعد باآسانی 180 رنز سے شکست دیکر اپنی پہلی اور اب تک کی آخری آئی سی سی چیمپئنز ٹرافی کا ٹائٹل اپنے نام کیا تھا۔

شائقین کرکٹ کو فخر زمان کی دھواں دھار اسنچری، محمد حفیظ کی جارحانہ اننگ ، بابراعظم کی ذمہ دارنہ بلے اور محمد عامر کا تاریخی اسپیل آج بھی یاد ہے جب پاکستان نے رمضان المبارک کے با مقدس مہینے میں بھارت کو شکست دے کر ٹرافی اپنے نام کی تھی۔

مجھے آج بھی وہ دن یاد ہے کہ جب گروپ میچ میں بھارت کے ہاتھوں بری طرح شکست کھانے کے بعد ہم سب مایوس تھے اور رمضان کے دنوں میں بس ایک ہی دعا کر رہے تھے کہ یا اللہ پاکستان جیت جائے، کاش پاکستان جیت جائے، یہ میرے نزدیک بہت اہم میچ تھا مگر ریکارڈ کچھ اور ہی بتاتے تھے کیونکہ بھارت نے ہمیشہ پاکستان کو آئی سی سی ناک آوٹس مرحلے میں شکست دی تھی۔ 2011 کے سیمی فائنل میں بھارت کے ہاتھوں شکست پر آفریدی کو روتا دیکھ کر میں خود رونے لگ گیا تھا،اور وہ لمحہ میری زندگی کا اکلوتا لمحہ تھا جب میں کرکٹ کی وجہ سے رویا تھا، شاید میں نہ ہی روتا مگر جب بوم بوم آفریدی کی آنکھوں میں آنسو دیکھیں تو میں خود پر قابو نہیں رکھ پایا تھا، جبکہ اس سے قبل 2007 کے فائنل میں بھی بھارت کے ہاتھوں شکست کھا چکے تھے۔خیر شکر ہے اس دن پاکستان نے قوم کی امید نہیں توڑی اور پاکستان کو ایک ٹرافی کا تحفہ دیا ۔ ان آنکھوں میں آنسو اس وقت بھی تھے مگر وہ آنسو خوشی اور شکرانے کے تھے جو ایک لمبے عرصے کے بعد اللہ نےپاکستانی قوم کو کرکٹ کو دی تھی۔

احسان اللہ