تحریر: احسان اللہ اسحاق

فٹبال کا کھیل محض نوّے منٹ کی ایک سرگرمی کا نام نہیں، بلکہ یہ جذبات، امیدوں، خوابوں اور یادوں کا مجموعہ ہوتا ہے۔ اسی لیے جب کوئی عظیم کھلاڑی اپنے کیریئر کے آخری لمحات میں شکست کے بعد آنسو بہاتا ہے تو صرف ایک میچ ختم نہیں ہوتا، بلکہ ایک پورا عہد اختتام کو پہنچتا محسوس ہوتا ہے۔

فیفا ورلڈ کپ 2026 دنیا بھر کے فٹبال شائقین کے لیے ہمیشہ یادگار رہے گا، لیکن اس کی سب سے بڑی وجہ صرف سنسنی خیز مقابلے نہیں، بلکہ وہ جذباتی مناظر ہیں جنہوں نے کروڑوں لوگوں کو اداس کر دیا۔

اس ورلڈ کپ میں برازیل کے اسٹار فٹبالر نیمار نے ناروے کے خلاف اپنے آخری ورلڈ کپ میچ میں گول ضرور کیا، مگر شکست کے بعد وہ وہیں گراؤنڈ میں موجود ہزاروں برازیلینز فینز کے سامنے روتے دکھائی دیے، جہاں یہ منظر کروڑوں سکرینوں پر لائیو دیکھا جا رہا تھا تو وہیں نیمار کے فینز افسردہ ہوئے بنا نہ رہ سکے۔ نیمارکے چہرے پر برسوں کی محنت، ادھورے خواب اور ایک طویل سفر کے اختتام کا درد صاف جھلک رہا تھا۔

Neymar's tears sum up Brazil's World Cup misery after Norway defeat | Mathrubhumi English

اسی طرح پرتگال کے عظیم فٹبالر کرسٹیانو رونالڈو بھی اپنے آخری ورلڈ کپ میچ کو یادگار نہ بنا سکے۔ اسپین کے ہاتھوں شکست کے بعد جب ان کی آنکھوں سے آنسو نکلے تو اسٹیڈیم میں موجود ہزاروں مداح بھی جذبات پر قابو نہ رکھ سکے۔ یہ منظر صرف اسٹیڈیم تک محدود نہیں تھا، بلکہ دنیا بھر میں کروڑوں لوگوں نے اسے براہِ راست دیکھا اور محسوس کیا کہ عظمت کے سفر کا اختتام بھی کتنا کٹھن ہوتا ہے۔

Neymar in tears. 😭💔 WorldCupwithMicky #FIFAWorldCup

ہماری نسل، جسے جنرل زی (Generation Z) کہا جاتا ہے، نے اپنے شعور کی آنکھ انہی عظیم فٹبالرز کے دور میں کھولی۔ فٹبال کا ذکر آتے ہی ذہن میں سب سے پہلے لیونل میسی، کرسٹیانو رونالڈو اور نیمار کے نام آتے تھے۔ اگر چہ ایشیا میں فٹبال کا کھیل کرکٹ کے مقابلے میں بہت کم مقبول ہے مگرآپ دنیا کہ کسی بھی کونے میں جائیں تو وہاں فٹبال کا نام لیں ۔لوگوں کے ذہن میں فورا سے یہی تین نام سامنے آئیں گے، مگر افسوس کے ہم نے ان تینوں میں سے دو کو روتے ہوئے دیکھا۔اور دور ِ حاضر کے انہی کھلاڑیوں نے اس کھیل کو نئی بلندیوں تک پہنچایا۔

World Cup 2026: Ronaldo's World Cup career ends in tears as 'pathetic' Martinez departs - BBC Sport

عظیم کھلاڑیوں کی رخصتی صرف ایک کھیل کا نقصان نہیں ہوتی، بلکہ یہ اس نسل کے لیے بھی جذباتی لمحہ ہوتی ہے جس نے انہیں اپنے ہیرو کے طور پر دیکھا ہو۔ شاید یہی وجہ ہے کہ ان کے آنسو لاکھوں نہیں بلکہ اربوں مداحوں کے دلوں تک پہنچتے ہیں۔ کیونکہ مداح صرف کامیابیوں کے ساتھ نہیں جیتے، وہ اپنے پسندیدہ کھلاڑیوں کے دکھ کو بھی اپنا دکھ سمجھتے ہیں۔

Cristanio Ronaldo crying badly after Portugal out from FIFA world cup 2026 | Ronaldo crying today

مجھے آج بھی 2011 کا کرکٹ ورلڈ کپ یاد ہے۔ اس وقت میری عمر محض گیارہ، بارہ برس تھی۔ سیمی فائنل میں روایتی حریف بھارت کے ہاتھوں پاکستان کی شکست کے بعد جب میں نے شاہد آفریدی کو آنسوؤں کے ساتھ میدان سے واپس جاتے دیکھا تو میں خود بھی رو پڑا تھا۔ شاید اُس وقت اگرمیں بڑا ہوتا تو نہ روتا،مگر میں تب کے فیورٹ کھلاڑی اور ہیرو شاہد آفرید ی کی آنکھوں میں آنسو دیکھ کر دل بے اختیار اداس ہو گیا۔ آج جب رونالڈو اور نیمار کے مداحوں کو روتا دیکھتا ہوں تو وہی منظر اور وہی احساس پھر سے تازہ ہو جاتا ہے۔ تب احساس ہوتا ہے کہ کھیل صرف تفریح نہیں، بلکہ انسان کے جذبات، یادوں اور محبت کا بھی ایک اہم حصہ ہوتا ہے۔

وہ کیا ہے نا کہ وقت ہمیشہ آگے بڑھتا ہے۔ ایک دن ہر عظیم کھلاڑی کو میدان چھوڑنا پڑتا ہے اور نئی نسل اس کی جگہ لیتی ہے۔ یہی کھیل کا حسن بھی ہے اور اس کی تلخ حقیقت بھی۔ لیکن کچھ نام ایسے ہوتے ہیں جو ٹرافیوں سے زیادہ لوگوں کے دلوں میں زندہ رہتے ہیں۔ رونالڈو، میسی اور نیمار انہی چند ناموں میں شامل ہیں۔

سچ کہتے ہیں کہ انسان کو بعض اوقات کچھ چیزوں سے جنون کی حد تک عشق ہو جاتا ہے اور ان میں ایک کھیل بھی ہے، چاہے وہ کرکٹ کا ہو یا فٹبال کا۔ جہاں یہ دونوں کھیل دنیا بھر میں مقبول ہیں تو وہیں ان کی وجہ سے کرڑوں فینز کے بھی دل دکھتے ہیں۔

شاید آنے والے برسوں میں نئی نسل نئے ہیروز کو پسند کرے، مگر جن لوگوں نے رونالڈو کی رفتار، میسی کا جادو اور نیمار کی مہارت کو اپنے سامنے دیکھا ہے، ان کے لیے یہ صرف کھلاڑی نہیں بلکہ یادوں کا ایک سنہرا باب ہیں۔ اسی لیے جب یہ لیجنڈز روتے ہیں تو حقیقت میں صرف وہ نہیں روتے، بلکہ ان کے ساتھ ایک پورا عہد اشکبار ہو جاتا ہے۔اور یہ مناظر ہم اپنی اپنی اسکرینوں پر دیکھ چکے ہیں ۔