تحریر احسان اللہ اسحاق

الکا جی آواز نے نہ صرف بھارت میں لوگوں کے دل جیتے بلکہ سرحد پار اورپوری دنیا میں اردو ، ہندی بولنے اور سمجھنے والوں کے دل جیتیں، ہم جیسے بہت سے نوجوان جنہوں نے بیسوی صدر کے آخر یا اکیسویں صدی کے اوئل میں آنکھ کھلی انہوں نے کہیں نہ کہیں الکا جی کو ضرور سنا ہو گا، نوے کی دہائی میں الکا یگنک ،کمار سانو اور ادت نرائن بھارتی موسیقی پر چھائے رہے۔ کشور کمار،محمد رفیع ، آشا بھوسلے اور لتا جی کے بعد اگر بھارت میں موسیقی کے حوالے سے کسی گلوکارہ نے نام کمایا ہے تو وہ الکا جی ہیں، اور اوپر سے ان کی جوڑی بھی کیا خوب جچتی کمار سانو اور ادت نرائن کے ساتھ۔ نوے اور اس کے بعد کی دہائی کے جتنے بھی سدا بہار بھارتی گانے ہیں زیادہ تر میں آپ کو یہ تین نام دیکھنے کو ملیں گے۔

When Padma Bhushan awardee Alka Yagnik revealed her hearing loss: 'It has been diagnosed...' | Bollywood - India TV News

ایوارڈ وصول کرنے کے بعد معروف بھارتی گلوکارہ الکا یاگنک نے سوشل میڈیا پلیٹ فارم انسٹاگرام پر اپنے مداحوں کے نام ایک جذباتی پیغام جاری کرتے ہوئے اپنی صحت سے متعلق بھی آگاہ کیا۔انہوں نے لکھا کہ گزشتہ دو برس سے وہ عوامی تقریبات، منظرعام پر آنے اور اپنے سفر سے متعلق اپ ڈیٹس شیئر کرنے سے گریز کر رہی تھیں۔ ان کے بقول، بہت سے مداح جانتے ہیں کہ وہ صحت کے مسائل کا سامنا کر رہی ہیں، تاہم اس دوران مداحوں کی محبت، دعاؤں،پیغامات اور غیر متزلزل حمایت نے ہر قدم پر ان کا حوصلہ بڑھایا۔

Kumar Sanu, Alka Yagnik Bring Alive Magic Hits - India Journal

الکا یاگنک نے کہا کہ ملک کے دوسرے بڑے شہری اعزاز پدما بھوشن کا اعزاز وصول کرنے کے لیے جب وہ تقریب میں پہنچیں تو ان کا دل خوشی اور تشکر کے جذبات سے لبریز تھا۔ انہوں نے کہا کہ اگرچہ اس اعزاز پر ان کا نام درج ہے، لیکن درحقیقت یہ ان تمام سامعین کا بھی اعزاز ہے جنہوں نے برسوں تک ان کی آواز کو اپنی زندگی کا حصہ بنایا اور ہر کامیابی و آزمائش میں ان کے ساتھ کھڑے رہے۔

انہوں نے مزید کہا کہ یہ لمحہ ان کے لیے اس لیے بھی خاص ہے کہ یہ صرف ان کے فنی سفر کا اعتراف نہیں بلکہ اس طاقت کی بھی یاد دہانی ہے جو انہیں محبت، امید اور ثابت قدمی سے حاصل ہوئی۔

الکا یاگنک نے اس موقع پر ملک کے اعلیٰ اعزاز سے نوازے جانے پر بھارتی صدر، وزیراعظم نریندر مودی اور دیگر حکام کا شکریہ ادا کرتے ہوئے کہا کہ وہ اس اعزاز کو انتہائی عاجزی، احترام اور شکرگزاری کے ساتھ قبول کرتی ہیں۔

خیر اس میں کوئی دو رائے نہیں الکا جی اس ایوارڈ کی حقدار تھیں جو ان کو ملا۔

آپ بتائیں کہ آپ کوالکا یگنک کی جوڑی کس کے ساتھ زیادہ پسند، کمار سانو یا پھر ادت نرائن؟

When Udit Narayan, Kumar Sanu Became 'Tharki' In Front Of Alka Yagnik, And Host ,'Shuru Mat Hoiye..'

سچ پوچھیں تو میرے لیے بھی یہ فیصلہ کرنا مشکل ہے کیونکہ یہ تینوں ہی نوے کی دہائی کے انمول رتن ہیں، مگر میں پھر بھی کافی سوچ و بچار کے بعد الگا اور ادت نرائن کی جوڑی کو زیادہ پسند کرتا ہوں۔

نوٹ: یہ مضمون مصنف کی ذاتی رائے پر مبنی ہے۔ ادارے کا اس سے متفق ہونا ضروری نہیں۔